電子手賬

我: 發達啦, 我老婆送0左部 IPod touch 比我, 以後有個電子秘書啦, 唔會揍仔揍到唔記得星期幾甩人低0拉！:-)

朋友甲: 佢唔係送0左部Samsung Note俾你咩？點解唔要部電話？

老婆: 部電話要$5,888, 又要上台, 下次先啦

我: 其實我一直係好抗拒呢0的高科技產品的, 我唔想坐地鐵掛住上網收電郵唔記得讓坐比婆婆，唔想全日都 ICT dependent 唔同人面對面講野。

我係對機器好長情的人, 我上一部電腦用左十幾年, 用到壞死；我一直用 Nokia 3310之舊款, 因我只想用電話, 唔鍾意用電話上網twitter影相, 直至老婆換機將佢部舊機換左我部唔見左的3310為止。另一方面, 我之前幾年有部Palm m505, 整過幾次唔得, 之後放埋一邊, 但我最近要教書, 真係需要一部電子日曆之類, 但我唔會捨得將部舊電話換左佢, 所以老婆只係買部 Ipod touch比我, 無電話, 但我反而十分喜歡, 佢知我心......

朋友甲: 原來咁貴！不過，IPod一樣可用WIFI打電話。用Skype，100蚊可以用好耐。

我: 老婆, 你知道, 我係好唔鍾意用貴0野的, 尤其係 Integrated 的產品, 我會覺得自己唔係自己的。你花$5888, 我係會好唔開心的。你花在自己身上和仔女身上, 我仲高興.

老婆: 所以咪買部cheap d0既機俾你囉，費時俾你鬧

我: 千幾蚊唔cheap唔cheap，物亨陳義重呀！

朋友甲: 物輕情意重，最緊要啱你用。

我: 其實我還有受薪全職之前, 唔計租金，我已經係一個好低生活水平0既人, 我眼鏡用十幾年, 爛左隻眼鏡腳用熱縮膠黐番; 牛仔褲著到爛自己縫番; 同理我係好鐘意DIY修理的人, 雖然整番好0的0野 後未必好靚, 我都係咁教囝囝0的0野爛左要諗下點黐番。所以千多元的電子手賬, 我覺得好滿足, 好夠, 真係唔好浪費。

朋友乙: 估唔到你比我更長情！我現在的手機只能打電話，連拍照功能也沒有！我連打訊息也不懂，曾到電訊公司問可否修理我的手機，推銷員表示買個新電話仲便宜，唉！想做一個環保人都唔容易架！