十二

備課備到夜深, 個腦轉到停唔到, 在床上幾個鐘, 都訓唔着。

心想: 聽日講書六小時, 應該會好難捱。愈諗愈訓唔着。

矇矓中, 好像有把似快必的聲音同我說: 屌那媽, 頂硬上！

對了, 還有十二港人；還有許多身在牢獄的義人。

我還在自由世界, 只是通霄一晚, 與你們的苦難比較, 又算什麼?

屌那媽, 起身！

#沒有忘記您們

Youtuber

上堂時, 我同學生講, 其實我不喜歡網上教書, 更不喜歡預先錄影，「我又不是Youtuber」。

誰知有學生留言說：「阿Sir唔係呀, 我覺得你有做Youtuber 嘅潛質」。

呢位同學想跣我, 佢以為我唔知 😤😤。

Ｚoom

 有朋友昨日首次用Ｚoom教書, 幫我兼職教兩班 (我當然唔會比錢佢), 學生唔肯出聲唔肯開鏡頭 ,  要自言自語六小時, 大受刺激。

各位明白點解我喺fb成日自Ｈigh 未?

煎餃子

 今晚試吓煎餃子。似乎煎餃子、煎魚同煎鷄翼一樣, 秘訣係：耐性

#阿仔話好味即係合格

老媽子

 今天老媽子八十二歲生日, 由於不方便外出吃飯, 昨晚我帶了蛋糕回老家, 開了iPad Facetime, 讓她可以與她的孫仔孫女越洋 (維多利亞洋) 預先慶祝。

老媽子不用智能手機 (她說不想收到假新聞), 但我兩年前教曉她用iPad後, 她自己會識得找蘋果日報來讀和Youtube 城寨來聽。有次撘的士, 的士司機賴生意唔好係因為示威者時, 佢即時反駁: 最衰呢個政府！

所以我咁醒, 係遺傳嘅。😝