為什麼我反對「跨境自駕遊」

作為一位每天都要揹著一個小妹妹拖著一個小哥哥要掩住個鼻急急腳過馬路0既城市爸爸, 我真係好擔心「跨境自駕遊」會令交通已經好繁忙好污染0既香港街道, 變得更唔安全同更加污染。

正如 Lucetta Kam 姐姐話齋:

一邊叫香港市民搭公共交通工具，另一邊開放自駕遊給遊客。當世界很多進步的城市都在鼓勵市民和遊客騎單車、把遊客區規劃在特定地區以不影響居民日常生活的時候，香港政府引進完全和世界潮流相反的遊客自駕遊，唯恐香港的交通還不夠繁忙，空氣還不過污染，整個城市還不夠旅遊化。(facebook)

朱凱迪哥哥有篇文章講點解要反對跨境自駕遊， 講得好好。簡單0黎講, 反跨境自駕遊除0左係因為1. 道路安全外, 仲係反 2.黑箱作業 3. 城市發展/土地運用偏袒汽車﹝及車廠/油公司/地產發展商0既利益﹞。

所以我個人認為，有政團搞汽車遊行反對跨境自駕遊，實在有0的自相矛盾。或者第一波行動發動本地汽車駕駛者係無可厚非，因為佢地都擔憂路面太多車 ，而且組織者可能較容易發動佢地；但日後0既主角應該係行人同埋自行車。
下次不如呼籲市民當日盡量唔開私家車、乘坐公共交通工具；呼籲當日一定要開車搵食0既司機大佬，分享一0的城市街道比自行車同埋行人去遊行，係咪更好 ?

延伸閱讀: 自行車生活的永續想望