四五行動

李sir 你識長毛時間太短了。我識佢嗰年，就係幫佢抬過棺材，當年佢地真係用實木棺材。應該係後來才改用木皮造的。

 

佢嗰次行動太少人，好似三缺一，仲比前線警察揶揄，話：「又話四五行動？四個人都無。」

我係前排聽到，唔抵得有人咁寸，就執起棺材一角，同佢地一齊衝咗陣。事後長毛同我握手。從此識得佢。時間應該係1997年前後，太耐唔記得喇。

 

其實一執起就後悔，因為係用真實木，重到爆！好想放手！頂硬上！所以我好記得！！

 

//梁國雄在四五行動時期便枱棺材，成為他的標誌之一。李sir證實都市傳說，其實棺材是木皮、空心兼透底。「我們最初都唔知道個棺材係點，唔知棺材裏面有咩，個底係吉，以前唔知。佢哋都好樂意給我們check。」// (《眾新聞》2021年6 月7 日, 13:52)