祈願 (2)

臨食飯前, 收到A姨姨的短訊, 希望我們祈求，她媽媽服藥後病況會有好轉。

食飯前, 和太太和囝囝分享這個短訊 (我之前曾和囝囝談過A伯母的病情)。囝囝伸出左手兩隻胖胖的小手指, 然後用右手食指指著其中一隻, 說:「呢個醫生叫A姨姨媽媽入醫院。」然後又指著另一隻, 說：「呢個醫生叫A姨姨媽媽唔好入醫院。」

我問：「咁你覺得，A姨姨媽媽應唔應該入醫院呢?」

囝囝：「應該。」

我問：「點解呢?」

囝囝：「因為佢好病囉。好病要入醫院。之後就會好。」

我說：「A姨姨媽媽聽咗你講之後, 入咗醫院, 出咗黎啦。佢呢家食緊藥, 之後就會好啦。好唔好? 」

囝囝點點頭:「好。」

祈願 (1)

那晚, 媽媽要陪伴因驚厥而要入院的妹妹過夜，近半年習慣了晚上與媽媽共眠的新仔，很不開心。熄了睡房的大燈後，爸爸教新仔一起在床上打坐，閉上眼睛合十，懷著慈心，祈願媽媽和妹妹第二天可以平安回家。

果然，她們第二天下午就回到了家，新仔好高興。


第二晚，收到朋友的短訊，知道她的母親正在進行生死猶關的大手術。我們一家人合十，祝願伯母平安。今次，我們鼓勵新仔帶領祈願，新仔很認真地緊閉眼睛，緩緩地搖晃著小小的身體，溫柔的聲線，如泣如訴：「......A姨姨的媽媽......快D好番啦......醫院無玩具.....無書睇......無好野食......好慘架......你快D好番......番厔企啦......」

新仔不知道他閉上眼睛時, 他的爸爸聽得熱淚盈眶。