群體免疫?

群體免疫? 我想保護我尊敬愛護的但未必適合打針的親友，家人親友就是我的「群體」。我甚至願意為了保護黃色經濟和保護支持民主運動的社群而打針，我自問打針對我後遺症風險甚低，打足兩針復必泰。

 

不過, 可以怪香港人不顧及抽象的「群體免疫」嗎? 香港政府一直的社會政策有促進過社會團結嗎? 還是只是年復年持續維護社會不平等? 無權勢者愈貧，有權勢者愈富，敢問「群體感」在哪?

 

還有, 從 2019年開始這段艱難的日子，誰屬於我的「群體」/「命運共同體」？包唔包括班藍絲收成期自私廢老? 還有一大班卑鄙小人? 

 

對唔住囉, 沒有特定對象範圍的普遍性概念，喺當今撕裂有嚴重階級矛盾的香港似乎唔係好sell 到 咯。

 

(註: "群體免疫"是公共衛生學概念 , 大意是指對某一特定傳染病來說，一旦群體內有足夠比例的人有兔疫力 [如因打針或痊癒], 就算缺乏免疫力的個體亦受到保護。上文只是討論"群體"一詞引發的一些聯想)

Jer

Mirror 咁多個, 我最鐘意阿Jer
點解哩?

#幾鐘意呢種style男性
#你估我唔到哩

P圖

 盧覓雪其實大玻璃朱超過十年；而唔P圖嘅玻璃朱, 其實個樣都唔係醜。
但係相由心生，就係咁簡單。

#點解要P圖P到咁假
#點解凡藍偽人必乞人憎

機甲戰士

 

痴咗線，我發埋啲咁嘅夢 :

我係中六生， Prefect。 有個肥仔同學， 都係Prefect。 個肥仔係一名賤人 [ 嗱先講明，好多肥仔都好好人 ]。佢話做Prefect 最大好處， 係成日可以用職權，例如搜身， 咸濕D低年級生， 仲笑口淫淫。佢話過去三年都咸濕同一個新移民女生，發覺佢最近開始發育，講到眉飛色舞。仲要個女生係我識嘅，我嬲到發火，狠狠咁炳佢一鑊！仲著埋啲機甲戰衣一隻大機械腳踩爆佢條XX。打完好爽！然後訓醒起身。^_^

193?

 

雖然我沒有別人的193，但是別人也沒有我的173

#堅尼地城游泳池測量器
#九一主義 [嗱呢啲先叫哲學]
#戒無謂比較
#明就明

李拾壹

 有老友話我氣質好似李拾壹，是嗎? 上過我課堂的學生們, 似唔似?  

#聰明伶俐又搞笑
#好在唔係十一哥

新垣結衣

日本女神新垣結衣要同四眼仔結婚, 據說許多日本男人深受刺激。有人向公司請假，竟獲批准。

日本真係一個好特別的國家。

#好多個心碎的大雄

 

失眠了多天，瘦了幾磅，BMI 又回復了標準

雖然痛苦，但我沒有頹廢。一個專講電影和音樂的網誌，即將面世。

 

(我不是相關專業, 自娛為主, 方便我半夜聽音樂)

 

舊作加上新的短打, 已近四十篇 [短打為主], 不日上映。

英雄本色

早兩個月同阿仔在家看過。他最初以為, 周潤發的代表性演出，只有《秋天的童話》的船頭尺和《賭神》的高進。Mark 哥的演譯, 給他很大的震撼。

//無論香港是否明天會更好，每逢失落迷惘的時候，都希望你會憶起以下一幕。豪哥說：「以前嘅嘢，過去咗㗎喇！」Mark哥答道：「未過去，我仲未死！」// (馮睎乾, 2021.05.17 02:00, hk.appledaily.com)

第一針

 

之前打第一針復必泰時, 需要在護士面前, 把身份證插入讀卡機核實資料。

但我身份證上的晶片，讀卡機讀不到，需要護士花點時間，人手輸入資料。

 

「為什麼讀不到 ?」護士有點抱怨。

 

「係, 張晶片可能壞咗。無次讀得到。」

 

「咁舊，為什麼不換過張新的身份證 ?」

 

「因為......張身份證幅相, 影得我好靚仔。我怕換新嘅，影唔番。」

 

護士翻一翻白眼。我不知她是嬲還是笑。咦，好像看到她在偷笑。

 

多虧護士提一提，快要換新身份證，向我最靚仔的時代告別。

Mirror

 網上有Mirror 演唱會片段，十二個人又唱又跳，我老婆好似好鐘意，睇咗幾次，未見佢咁 happy 好耐。

我都趁機展露下演藝, 係電視機前扮吓武狀元。點知只係換來冷笑😔。

#好在阿仔笑到騎騎聲 😁

(圖片取自電影《唐伯虎點秋香 》(1993) )

黃貓黑貓

 帶兩隻貓貓去獸醫做例行檢查。等候時，隻平時都膽小如鼠嘅薑B仔竟然嚇到賴尿, 啲尿賴咗喺個貓袋度, 整濕埋黑B女。番到屋企要幫兩隻貓（一黃一黑）沖涼。

幸好我先前有多年幫(已仙遊的)愛貓沖涼經驗，手臂一條傷痕都無。🤗 

沖完抺乾之後, 平時對我態度冷淡的黑貓 (應該係虎紋貓) 竟然熱情起來，叫親佢都應，又扭又盛，點解釋? 仲想同我浴室大戰 ?

 

 

BioNTech

 第二針BioNTech打完。我今晚好想舉啞鈴，但被家人嚴厲禁止。

#自己衡量風險效益

年歲

 一個數字（年歲)＋ 一個女人的名字， 然後就對這位女藝人（甚至不再是藝人) 的樣貌評頭品足，無論她最近正在做什麼。撰寫這些香港經常都有的娛樂新聞／標題的記者或編輯好像自己不會變老的。我實在討厭這些報導。

Viu TV

 當太太晚上追番Viu 啲舊片時，阿仔放咗學就上網搵《超時空要塞》嚟睇。

#地球一定發生咗啲嘢

姜濤

 小女 :「其實你同姜濤一樣咁靚仔。」

我 : 「真係 ? 」

小女：「我唔想咁講，其實姜濤比你靚仔 1%。」

我 : 「真係 ? 」

小女：「你有佢 99% 咁靚仔。」

我 : 「嘻嘻。」

陳奕迅

 我從來未真正喜歡過陳奕迅 ── 我欣賞的，是能把港式粵語填詞協音， 又言之有物的填詞人 (  林夕、黃偉文、潘源良.....)。

有人說陳奕迅是本港樂壇最後一顆「巨星」，我的回應是：「等著瞧。」

娥姐

 最近多個傳媒的報導，都叫她做「李卓人太太」，有些頂唔順的感覺。係職工盟前總幹事鄧燕娥女士呀！現時她仍在推動工運。以前的社運人甚至傳媒人，多叫她「娥姐」，甚少叫她做「李太」的。