世界盃

由於屋企電視只有免費台，又懶無去搵點樣上網睇波，今朝巴西對智利場波，我係聽港台嘅。

令我諗起細個時，精工對寶路華嘅足總盃決賽，同埋南華 4比1贏咗海蜂嗰場護級大戰咁，好多好多爆棚緊張嘅賽事。

(無記錯嘅話，嗰時應該都係聽何鑑江何靜江兩兄弟嘅旁述，覺得佢地講得好精彩、好生鬼。)

嗰陣時屋企只得一架幾寸長嘅單聲道收音機，已經可以令全家人聽到心驚膽跳 。

部收音機仲間中神神地0忝, 所以一定唔係高清

Bless my homeland forever

與囡囡囝囝在家看《仙樂飄飄處處聞》(The Sound of Music) 影碟。由於影碟是英文版，囝囝一路問了許多問題，要解釋給他聽。

影片結尾，納粹黨人佔領奧地利，要強拉崔普上校入營，整家人在嚴密監視下，在音樂節表演上，帶領坐在納粹黨人後面的奧地利觀眾，唱 "Edelweiss" 一曲 (edelweiss是一種長於阿爾卑斯山的白色小花)。

當民眾唱到"Bless my homeland forever"時，正在解戲的我，覺得自己的聲音，有點沙啞。

估嘢遊戲

爸爸：亞仔，不如又玩估嘢遊戲囉？嗱，比你問五條問題，猜洗手間一樣嘢 (心中的答案：毛巾)

囝囝：係咪甴曱呀？

爸爸：>_< 唔係！係估洗手間一樣平時都有嘅嘢呀！

囝囝：係咪黃色架?

爸爸：唔......可以係黃色，亦都可以唔係黃色嘅......

囝囝：係咪尿呀？

爸爸：......+_+

六四晚會

囝囝焗到滿頭大汗，仍然堅持高舉蠟燭；這顆赤子之心，教我自強不息。

ET外星人

與囝囝看 《ET外星人》VCD，其中一幕，是男孩艾利諾在生物課上把所有需要解剖的青蛙都放生了。

我問囝囝，如果你係艾利諾，你會唔會咁做，他馬上答：「會！」

哈，不知道第日他上中學，老師要他解剖青蛙或白老鼠時，那時的他會怎麼做？