食肆

 街上許多食肆回復四人一枱和晚市, 但只提供安心上路QR code, 不提供其他方式供客人登記資料。

只顧自己生意不理顧客憂慮的店鋪, 除非迫不得已，我不會幫襯。它們應有足夠自私藍絲食客。

我的媽

 可能大家記得我曾說過, 兩年多前我教曉老媽子用iPad Facetime後, 她自行找到《城寨》Youtube頻道來收看。

今天和她講電話時, 問她最近還有沒有看《城寨》?

媽: 無了！

我: 咦, 點解啊?

媽: 佢太長氣, 成日講成兩個鐘頭都未講到正題！

我: 🤭 咁你而家睇乜呢? 蕭老板? 游公子?  (因為之前佢話佢都有聽吓)

媽: 唔係！兩個都慢吞吞、三幅被 (我: 😳)。有個後生仔, 評論時事唔錯, 間中講吓粗口, 幾好笑。仲一個講嘢口窒窒, 不過有point (老媽子以前有去長者中心學英文, 所以夾雜一個英文字唔奇怪)。

我: 哦, 咁係邊兩個呢? 🧐

原來佢係指仇思達同黃世澤 (佢兩個唔係對立咩)。果然是我的媽🤪

PNG 檔

 編輯課堂錄影影像, 想用一個背景透明的圖像遮掩不想看到的部份。誰知搞咗成個幾鐘, 又用圖層又盛, 儲存後打開檔案, 透明部份都係變成白色。最後發現, 原來唔記得咗檔案格式不能儲成jpg, 要用png。其實之前知道,  但忘記了 。

把發現向阿仔大叫: 阿仔, 我發現咗做透明圖像的方法了，介紹給你, 很有用哩！

誰知阿仔說: 一早就知啦。

😳😳😳 這個世代......