世界盃

由於屋企電視只有免費台，又懶無去搵點樣上網睇波，今朝巴西對智利場波，我係聽港台嘅。

令我諗起細個時，精工對寶路華嘅足總盃決賽，同埋南華 4比1贏咗海蜂嗰場護級大戰咁，好多好多爆棚緊張嘅賽事。

(無記錯嘅話，嗰時應該都係聽何鑑江何靜江兩兄弟嘅旁述，覺得佢地講得好精彩、好生鬼。)

嗰陣時屋企只得一架幾寸長嘅單聲道收音機，已經可以令全家人聽到心驚膽跳 。

部收音機仲間中神神地0忝, 所以一定唔係高清