害群之馬

講開的士司機，多年前有一次, 那時我還是全職爸爸, 每晚趕論文很少睡覺。有日帶住亞仔坐的士由鰂魚涌去太古城，個司機好似嫌路程太近, 一路用說話單單打打，行車時逢見燈位急煞停、轉彎時又急轉彎，我和囝囝在車廂內拋來拋去好驚。佢對我地好無禮貌、又嫌三歲的囝囝落車慢，好大聲罵他。

到了太古城，我忍無可忍，把囝囝安頓在行人道上較入的地方，大聲叫個司機的名字 (車內司機證有姓名)，成條街都聽到嗰種音量，諗住同佢「隻抽」。

個司機好似有啲嚇親 , 沒好氣地出來問：「咩嘢事......？」我回頭望見囝囝的眼睛，忽然醒起其實自己同個司機一樣咁燥，心念一轉，打消了打他一頓的念頭：「無嘢啦！」。否則，歷史可能改寫。